புதிய ஜனநாயகம் 2006
Typography
  • Smaller Small Medium Big Bigger
  • Default Helvetica Segoe Georgia Times

12_2006.jpg

எட்டு மணி நேர வேலைக்குப் பதிலாக, சட்டவிரோதமாக 10 மணி 12 மணி நேர கட்டாய உழைப்பு; வேலை செய்யும் தொழிலாளர்களுக்கு பாதுகாப்புச் சாதனங்கள் எதுவும் தரப்பட மாட்டாது; தொழிற்சாலை சட்டங்கள் பின்பற்றப்பட மாட்டாது.

 கடந்த பத்தாண்டுகளில் இங்கு வேலை செய்து உயிரை இழந்த தொழிலாளர்களின் எண்ணிக்கை 10. படுகாயமுற்று உடல் உறுப்புக்களை இழந்த தொழிலாளர்களின் எண்ணிக்கையோ ஏராளம்.

 

· பத்தாண்டுகளாகப் பணியாற்றும் நிரந்தரத் தொழிலாளிக்குக் கூட அரசு நிர்ணயித்துள்ள குறைந்தபட்ச ஊதியம் கிடையாது; தொழிற்கல்வி முடித்து பணியில் சேரும் இளம் தொழிலாளருக்கு கிரேடு முறை கிடையாது. ஈராண்டுகளாகத் தொடர்ந்து வேலை செய்யும் தற்காலிகத் தொழிலாளர்களுக்கு சட்டப்படி பணி நிரந்தரம் கிடையாது. இவர்களுக்கே இந்த கதி என்றால், ஒப்பந்தத் தொழிலாளர்களின் நிலை பற்றிச் சொல்ல வேண்டியதில்லை.

 

· இந்தக் கொத்தடிமைத்தனத்தை எதிர்த்து தொழிலாளர்கள் முணுமுணுத்தால், இருட்டறையில் தொழிலாளிகளை அடைத்து ரௌடிகள் மிருகத்தனமாகத் தாக்குவார்கள். அதையும் மீறி இந்த ரௌடித்தனத்திற்கு எதிராக வாய் திறந்தால், அடுத்த நிமிடமே போலீசு ஓடோடி வந்து பொய் வழக்குப் போட்டு தொழிலாளிகளை வதைக்கும்.

 

இவையெல்லாம் ஆந்திரா கர்நாடகாவில் கொத்தடிமைகளாக செங்கற்சூளைகளிலும் கல்குவாரிகளிலும் தொடரும் கொடூரங்கள் அல்ல. தலைநகர் சென்னையை அடுத்துள்ள, பொன்னேரி அருகே மாதவரத்தில் இயங்கும் ""நெல்காஸ்ட்'' நிறுவனத்தில் கடந்த பத்தாண்டுகளாக நடந்து வரும் அட்டூழியங்கள்.

டிராக்டர், லாரி போன்ற கனரக வாகனங்களுக்கு கேஸ்டிங் உதிரி உறுப்புகளைத் தயாரிக்கும் இக்கொத்தடிமை நிறுவனத்தில் நிரந்தரத் தொழிலாளர்கள் 220பேரும், தற்காலிகத் தொழிலாளர்கள் 400 பேரும், ஒப்பந்தத் தொழிலாளர்கள் 500 பேரும், பெண் தொழிலாளர்கள் 200 பேரும் பணிபுரிகின்றனர். இத்தனை தொழிலாளர்களின் உழைப்பைச் சுரண்டிக் கொழுத்த நிர்வாகம், தொழிலாளர்களை ஒடுக்க இரகசியமாக கூலிப்படையையும் கட்டி வைத்துள்ளது. இக்கூலிப்படைக்கு வழக்குரைஞராக உள்ள இரவிக்குமார் என்ற ரௌடி தலைமை தாங்குகிறான். இவன், இந்நிறுவனத்தின் சட்ட ஆலோசகராகவும், தொழிலாளர்களை கூலிக்கமர்த்தும் ஒப்பந்ததாரராகவும் இருந்து தொழிலாளர்களை அடித்து மிரட்டி அடாவடித்தனம் செய்து வருகின்றான்.

இக்கொடுமைகளைக் கண்டு தொழிலாளர்கள் குமுறிக் கொண்டிருந்த நிலையில், கடந்த 23.5.06 அன்று ஜானகிராமன் என்ற தொழிலாளி, மேலிருந்து கிரேன் அறுந்துவிழுந்து மின்சாரம் பாய்ந்து மண்டை உடைந்து இரத்த வெள்ளத்தில் துடிதுடித்து மாண்டு போனார். அவரது உடலை தரதரவென ஆலைக்கு வெளியே போட்டு விட்டு தொடர்ந்து ஆலையை இயக்கிய நிர்வாகத்தின் திமிர்த்தனத்தைக் கண்டு வெகுண்டெழுந்த தொழிலாளர்கள் தன்னெழுச்சியாக சாலைமறியல் போராட்டத்தில் இறங்கினர். பிறகு, போலீசு வந்திறங்கி தொழிலாளர்களை விரட்டியடித்துவிட்டு, மாண்டுபோன தொழிலாளி குடும்பத்துக்கு கணிசமான தொகை கொடுக்க கட்டப் பஞ்சாயத்து நடத்தி, இக்கோர கொலையை மூடி மறைத்தது.

 

இனி நமக்கும் இந்த கதிதான் ஏற்படும் என்பதை உணர்ந்த வர்க்க உணர்வுள்ள தொழிலாளர்கள், பு.ஜ.தொ.மு.வுடன் தொடர்பு கொண்டு தொழிற்சங்கம் கட்டியமைக்கும் முயற்சியில் இறங்கினர். நிர்வாகத்தின் அச்சுறுத்தல், ரௌடிகளின் மிரட்டல்களை மீறி 150க்கும் மேற்பட்ட நிரந்தரத் தொழிலாளர்களும், பலநூறு தற்காலிக ஒப்பந்தத் தொழிலாளர்களும் ஒன்றிணைந்து சங்கமாகத் திரண்டு முறைப்படி தொழிலாளர் துறையிடம் சங்கத்தைப் பதிவு செய்தனர். அதைத் தொடர்ந்து கடந்த 5.11.06 அன்று ஆலை முன்பு பறை முழக்கம் எதிரொலிக்க, தொழிலாளர்கள் வர்க்க உணர்வோடு முழக்கமிட, பு.ஜ.தொ.மு. மாநிலத் தலைவர் தோழர் முகுந்தன் சங்கத்தின் கொடியை ஏற்ற, மாநிலப் பொருளாளர் தோழர் விஜயகுமார் சங்கப் பெயர்ப்பலகையைத் திறந்து வைத்தார். சங்கம் தொடங்கப்பட்டதையறிந்து ஆத்திரமடைந்த ரௌடி இரவிக்குமார், தனது அடியாட்களுடன் வந்து உதார் விட்டுப் பார்த்து, கோடிக்கால் பூதமாகிய தொழிலாளி வர்க்கத்தின் ஒற்றுமையைக் கண்டு பீதியடைந்து ஓடிவிட்டான். அன்று மாலை பொன்னேரியில் தொழிலாளர்கள் தமது குடும்பத்தோடு திரண்டு வந்து நடத்திய சங்கத் தொடக்கவிழா பொதுக்கூட்டத்தில், முன்னணியாளர்கள் வாழ்த்துரை வழங்க, ம.க.இ.க. மையக்கலைக் குழுவினர் நடத்திய புரட்சிகர கலை நிகழ்ச்சி வர்க்கப் போராட்டத் தீயை மூண்டெழச் செய்வதாக அமைந்தது.

 

இந்நிகழ்ச்சிக்குப் பிறகு கோழைத்தனமாக சங்கப் பலகையை உடைத்தெறிந்த ரௌடி இரவிக்குமாரை கைது செய்யக் கோரி சுவரொட்டிப் பிரச்சாரம் செய்த தொழிலாளர்கள், மீண்டும் 15.11.06 அன்று சங்கக் கொடியை நட்டு பெயர்ப் பலகையையும் நிறுவினர். இந்த ரௌடி வழக்குரைஞருக்கு நீதித்துறை மூலமாகவும் ஆப்பு வைக்கப்பட்டுள்ளது. பு.ஜ.தொ.மு. சங்கத்தின் வர்க்க உணர்வும் போர்க்குணமும் தொழிலாளர்களிடம் ஒற்றுமையையும் புதிய நம்பிக்கையையும் ஆழமாக வேரூன்றியுள்ளது. இது பொன்னேரி வட்டாரமெங்கும் எதிரொலித்து இதர ஆலைத் தொழிலாளர்களும் புரட்சிகர சங்கத்தை நிறுவ முயற்சித்து வருகின்றனர். தொழிலாளி வர்க்கம் தோற்றதாக வரலாறு இல்லை.


— நெல்காஸ்ட் புதிய ஜனநாயகத் தொழிலாளர் சங்கம்,
பொன்னேரி.  

Most Read

முஸ்லீம் இன-மத வாதமானது, தமிழ் மக்களை ஒடுக்குவது குறித்து!

தன் சொந்த இன மக்களை ஒடுக்குவதை மூடிமறைக்க, பிற இனமத மக்களை ஒடுக்குவது நடக்கின்றது. இதன் மூலம் தன்இன-மத மக்களின் நலனுக்காக உழைப்பதாக காட்டிக் கொள்வதே, சுரண்டும் வர்க்கத்தின் அரசியல். இந்த வகையில் ஒடுக்கப்பட்ட முஸ்லீம் மக்களை ஒடுக்கும் முஸ்லீம் இன-மதவாதத் தலைமைகள், தங்கள் அரச அதிகாரங்கள் மூலம் தமிழ் மக்களை ஒடுக்கி வருகின்றனர். இதன் மூலம் பேரினவாதத்தால் ஒடுக்கப்படுகின்ற ஒடுக்கப்பட்ட தமிழ் மக்கள் மேல் ஏறி, முஸ்லீம் இன-மதவாதத் தலைமைகள் சவாரி செய்கின்றனர்.

வெள்ளாளியம் குறிப்பது எதை?

வெள்ளாளச் சாதியில் பிறந்தவர்களைக் குறிப்பதல்ல வெள்ளாளியம். ஒடுக்கப்பட்ட சாதியில் பிறந்தவர்களை வெள்ளாளியம் குறிக்காது என்பதுமல்ல. தனி மனிதர்களையோ, பிறப்பையோ அடிப்படையாகக் கொண்டு, வெள்ளாளியத்தை வரையறுப்பதுமல்ல.

மாறாக வெள்ளாளியம் என்பது வெள்ளாளச் சாதியில் பிறந்தவர்கள் அல்லது பிறக்காதவர்கள்… என்று யாராக இருந்தாலும், சாதிய சமூக அமைப்பை யார் பாதுகாக்கின்றனரோ, அதை யார் முன்னிறுத்துகின்றனரோ, அவர்கள் வெள்ளாளியத்தை பிரதிநிதித்துவம் செய்கின்றனர்.

மாற்றுத் தலைமை குறித்து பகுத்தறிவற்ற சிந்தனைகளும் - பிரச்சாரங்களும்

வடக்குத் தமிழர்களின் இனப் பிரச்சனைகளைத் தீர்க்க, மாற்றுத் தமிழ்த் தலைமை "தமிழருக்கு" தேவை என்கின்றனர். தமிழ் அறிவுத்துறை தொடங்கி, சாதாரண மக்கள் வரை, ஒரேவிதமாக சிந்திக்கின்றனர். "இடதுசாரிகள்" என்று தம்மை காட்டிக் கொள்கின்றவர்கள் முதல் இடதுசாரியமே பிரச்சனைக்களுக்கு சரியான தீர்வுகளைக் கொண்டு இருக்கின்றது என்று கூறுகின்ற "முற்போக்குவாதிகள்" வரை, விதிவிலக்கின்றி ஒரேவிதமாக முன்வைக்கின்றனர்.

வர்க்கம், சாதி, பால், இனம்.. கடந்து சிந்திக்கின்ற தமிழ்ச் சிந்தனை முறை, "சுற்றிச் சுற்றி சுப்பற்றைக் கொல்லைக்குள்" தமிழ் தலைமையைத் தேடுகின்றது. அதையே தமிழர்க்கு தீர்வாகக் காட்ட முற்படுகின்றனர்.

தமிழ் சமூகத்தில் காணப்படும் தலைமையென்பது, தமிழர்களின் அக ஒடுக்குமுறையான வர்க்கம், சாதி, பால், பிரதேசம், இனம் .. சார்ந்து காணப்படுகின்றது. தமிழ் மக்களை அக முரண்பாடுகளால் ஒடுககு;கின்ற தலைமையையே, மாற்றுத் தலைமையாக மீண்டும் மீண்டும் முன்வைக்கின்றனர். தமிழ் மக்கள் மத்தியிலான அக முரண்பாடுளைக் களையும், அதாவது   அனைத்து ஒடுக்கப்பட்ட மக்களுக்குமான விடுதலையை முன்வைக்கும், ஒரு ஒடுக்கப்பட்டவர்களின் வர்க்கத் தலைமையை யாரும்கோ ருவதில்லை.

மீள் குடியேற்றம் - சாதிக் கிராமங்கள் வெள்ளாளச் சிந்தனையைத் தோற்றுவிக்கின்றன.

மனித சிந்தனை எங்கிருந்து, ஏன் தோன்றுகின்றது என்பது மிக அடிப்படையான கேள்வியாகும். இந்த வகையில் யாழ்ப்பாணச் சிந்தனை முறையென்பது, சாதிய வாழ்க்கைமுறையில் இருந்து தோன்றுகின்றது. யாழ்ப்பாணச் சடங்குகளும், சம்பிரதாயங்களும் சாதியத்தில் இருந்து தான் தொடங்குகின்றது. பொதுவான இந்த சாதிச் சமூகப் பின்னணியில், சாதியும் அதனுடன் ஒன்று கலந்த மதமும் முதன்மையான சமூக இயக்கமாக மாறுவது ஏன்? இதற்கான இன்றைய சமூக அடிப்படை என்ன என்பதை பார்ப்போம்.

1. இனவாத யுத்தத்திற்கு முன்பாக இன முரண்பாடுகளை கடந்து சாதாரண சிங்கள தமிழ் மொழி பேசுகின்ற மக்கள் மத்தியிலான ஒன்று கலப்பானது இயல்பானதாகவும் அவை  எங்குமிருந்தது. வாழ்க்கையின் எல்லா அம்சங்களிலும் கலப்புகள் நடைபெற்றது. ஆனால் யுத்த காலத்தில் தமிழர்கள், சிங்களவர்கள், முஸ்லிம்கள், மலையகத்தவர்கள் பரஸ்பரம் எதிரிகளாக கட்டமைக்கப்பட்ட இனவாதச் சிந்தனை முறையும், வன்முறையும் இலங்கை சமூகங்களுக்கு இடையில் நடந்து வந்த ஒன்றுகலப்பைத் தடுத்து நிறுத்தியது.

முஸ்லிம் தேசிய இனம் வளர்வதை இஸ்லாம் தடுக்கின்றது

தனிமனித வழிபாட்டு உரிமையைக் கடந்து மதம் செயற்படும் போது, மக்களை ஒடுக்கும் கருவியாக மதம் மாறி விடுகின்றது. இது எல்லா மதத்திற்கும் பொருந்தும். நிலவுகின்ற சமூக அமைப்பு என்பது, மனிதனை மனிதன் சுரண்டுகின்ற, மனிதனை மனிதன் பிளவுபடுத்தி ஒடுக்குகின்றதாக இருக்கின்றது. இந்த ஒடுக்குமுறையை நியாயப்படுத்துகின்ற சித்தாந்தமாக மதக் கோட்பாடுகள் செயற்படுகின்றது. அதேநேரம் மக்களை மதங்களின் பெயரில் பிளவுபடுத்தி, வன்முறையைத் தூண்டுகின்றது. இதன் மூலம் தன் மத மக்களை சுரண்டும் வர்க்கத்துக்கு உதவுகின்றது.

இந்த வகையில் இலங்கையில் பௌத்தம், இந்துமதம், இஸ்லாம், கிறிஸ்துவம்.. வரையான அனைத்து மதங்களும், சமூகத்தைக் கூறு போட்டு ஆளும் வர்க்கத்துக்கு சேவை செய்யும் பிரிவினைவாதக்  கருவியாகவும், மக்களை ஒடுக்கும் சமூகக் கூறாகவும் இருக்கின்றது.

தனியார் கல்விமுறையை ஆதரிக்கும் அறியாமையையும் - தர்க்கங்களையும் குறித்து

பாடசாலைக்கான "உதவிகள்" குறித்து பாரிஸ் மகாஜன பழைய மாணவர் சங்கம் நடத்திய கருத்தரங்கு மற்றும் வானொலி விவாதமானது, தனியார் கல்விமுறை குறித்த புரிதலுக்கு வழிகாட்டி இருக்கின்றது. பழைய மாணவ சங்கங்களின் உதவிகள், தனியார் கல்விமுறைக்கு உதவக் கூடாது என்ற கருத்து, இந்த விவாதத்தின் கருப் பொருளாகியது. "தமிழ் தேசியம்" குறித்து சுய கற்பனையில் வாழ்கின்ற தமிழ் சமூகம், தன்னைச் சுற்றிய கல்விமுறையில் நடந்து வரும் தனியார்மயமாக்கத்தை கண்டுகொள்ள முடிவதில்லை அல்லது கண்டுகொள்ள விரும்புவதில்லை. மாறாக தனியார் கல்விமுறை குறித்த புரிதலின்றி ஊக்குவிக்கின்றதும், ஆதரிக்கின்றதுமான போக்குகளும், இதற்கு அப்பால் தர்க்;கரீதியாக தனியார் கல்வியை நியாயப்படுத்துகின்ற கண்ணோட்டமுமே, பொதுவான சிந்தனைமுறையாக இருக்கின்றது.

பழைய மாணவர் சங்கங்களின் கோடிக்கணக்கான பணம், சமச்சீரான பாடசாலைகளுக்கு இடையிலான இடைவெளியை அதிகப்படுத்தி வருகின்றது. இதே போன்று மாணவர்களுக்கு இடையில் கல்விரீதியான ஏற்றத் தாழ்வை அதிகமாக்கவுமே பயன்படுத்தப்படுகின்றது. அனைவருக்கும் சம வாய்ப்பும், சம கல்வியும் என்ற அடிப்படையிலான பழைய மாணவர்களின் சமுதாய பொதுக் கொள்கையை மெதுவாக அரித்து இல்லாதாக்குகின்றது.

 

சுயவிமர்சனம் மூலம் சர்வதேசியத்தையும் - தேசியத்தையும் விளங்கிக் கொள்ளுதல்

சுயவிமர்சனம் என்பதை வெறும் வாய்ப்பாடமாக ஒப்புவிக்காமல்,  தவறான அரசியல் வழிமுறையைகளைக் கைவிட்டு உழைக்கும் வர்க்க அரசியல் நடைமுறைக்கு வருதலே சரியான சுயவிமர்சனம் செய்வதாகும். எல்லாம் மாறிக் கொண்டும், வளர்ந்து கொண்டும் இருக்கும் நிலையில் -இயற்கையில், எமது கருத்துகளும் நடைமுறைகளும் மாற்றத்துக்கு உள்ளாகும் என்பது விதிவிலக்கல்ல. நாம் கற்றுக்கொண்டும், நம்மை நாமே மாற்றத்துக்கு உட்படுத்திக் கொண்டும்   இருக்க வேண்டும். சமூகம் குறித்து சிந்திக்கின்றவர்கள் பழைய கருத்தில் தொங்கிக் கொண்டும் அதை ஒப்புவித்துக் கொண்டும் வாழ்வதால், சமுதாயத்துக்கு எந்த நன்மையும் கிடைக்கப்போவதில்லை. மாறாக, சமூக மாற்றத்துக்கு வழிவகுக்காமல், பின்னிழுத்து வீழ்த்துவதாகும். இந்த வகையில் தமிழ் அரசியற்பரப்பில் 80 வருட கால, தேசியம் -  சர்வதேசியம் குறித்து ஆராயப்படல்  வேண்டும்.

மக்களை அனாதையாக்கி பிழைக்கும் தமிழ் அரசியல்

சிங்கள - தமிழ் இனவாத யுத்தமானது, தமிழ்மக்களை அடக்கியொடுக்கி மனித அவலங்களையே விதைத்துவிட்டுச் சென்றுள்ளது. இவை இன்று வாழ்வதற்கான போராட்டங்களாக மாறி இருக்கின்றது. தங்கள் சொந்த நிலத்தை விடுவிக்கக் கோரும் போராட்டங்கள்;, காணாமல் ஆக்கப்பட்டவர்கள் எங்கே என்று கேட்டு நடக்கும் போராட்டங்கள், அரசியற்கைதிகளை விடுவிக்கக் கோரும் போராட்டங்களானது,.. இன்று 100 நாட்களையும் கடந்த தொடர் போராட்டமாக பண்புமாற்றம் பெற்று வருகின்றது.

இதை விட அன்றாட வாழ்க்கை சார்ந்து, போராட்டங்கள் வெடித்துக் கிளம்புகின்றது.  உதாரணமாக பட்டதாரிகள் வேலை கோரும் போராட்டங்கள், தொடர் போராட்டமாக மாறி நிற்கின்றது