Language Selection

"தமிழ் தேசியத்தைக் கைவிட்டால் நாங்கள் பூச்சியம்" என்று கூறுவதே, யாழ் மையவாதச் சிந்தனை முறை.  இப்படி "தமிழ் தேசியவாத ஆய்வாளராக" முன்னிறுத்தப்படும் ஜோதிலிங்கம் சுமந்திரனுக்கு எதிராக முன்வைக்கின்றார்.

சுமந்திரனுக்கு எதிரான "தமிழ்த் தேசியம்" இப்படித்தான், முனங்கி, முழங்குகின்றது. சுமந்திரனின் அரசியலென்பது "தமிழ் தேசியம்" நீக்கம் செய்யப்பட்ட, ஐக்கிய தேசிய கட்சியின் செயற்பாட்டு அரசியல் அல்லது அதன் அங்கம். அது மேற்கு நாட்டு "லிபரல்" அரசியலாம். அதாவது யாழ் மைய்யவாத வெள்ளாளிய சிந்தனைக்கு பொருந்தாத ஜனநாயக  - விடுதலை அரசியலாம்.

இப்படி மேற்கு ஏகாதிபத்தியத்தின் மடியில் படுத்துக் கிடந்து கனவு காண்கின்ற "தமிழ் தேசியமானது", ஐக்கிய தேசிய கட்சி ஊடாக மேற்கு ஏகாதிபத்தியத்தை சுமந்திரன் அணுகுவதை துரோகம் என்கின்றனர். எதிர்ப்பு அரசியல் - இணக்க அரசியல் என்று, ஓடுக்கும் தமிழ் தேசியத்தை முன்னிறுத்தி மோதுகின்ற பிழைப்புவாதம்.

1975 இல் "தந்தை" செல்வா முன்வைத்த "தமிழ் தேசியத்தை" சுமந்திரன் கைவிட்டுவிட்டார் என்று வரலாற்று ரீதியாக ஆய்ந்து கூறும் ஜோதிலிங்கம், தன் வரலாற்றில் தான் கைவிட்டு – காட்டிக் கொடுத்த வரலாற்று திரிபுகள் மீதேறி புலம்புகின்றார்.
1985 - 1986 இல் யாழ் பல்கலைக்கழகத்தில் நாங்கள் முன்னின்று எடுத்த போராட்டத்திற்கு தலைமை தாங்கிய நீங்கள், வரலாற்றுக்கு முரணாக புலம்பவது எந்த அடிப்படையில்? யாருடைய நலனுக்காக?

1985 இல் புலிகள் யாழ் பல்கலைக்கழக மாணவர்களைத் தாக்கி – மாணவர் சமூகத்தையே  ஒடுக்கிய போது - அதை எதிர்த்து நின்றவர்களில் நீங்களும் ஓருவர். மறந்து விட்டீர்களா!?  மாணவர்களை ஓடுக்கிய புலிகளுக்கு எதிராக யாழ் பல்கலைக்கழகத்தில் இருந்த மாணவர் சங்கம் போராட மறுத்து, புலிப் பினாமியாக இயங்கிய சூழலில், மாணவர்கள் ஒருங்கிணைந்து உருவாக்கிய மாணவர் அமைப்பின் தலைவராக உங்களை நாங்கள் தெரிவு செய்தோம். நினைவு இருக்கின்றதா? ஆம், அன்று புலிக்கு எதிராக, புலி அரசியலை எதிர்த்து தலைமை ஏற்றீர்கள். அப்படித்தானே.

 

இப்படி 1985 இல் புலிக்கு எதிராக உருவான அந்த புதிய மாணவர் சங்கத்தை உருவாக்க முன்னின்று உழைத்து விஜிதரனை, 1986 இல் புலிகள் கடத்தி காணாமலாக்கிய போது, மாணவர் - மக்கள் ஒருங்கிணைந்த போராட்டம் உருவானது. அப்போதும் நீங்களே அதற்கு தலைவர். நாங்கள் அன்றிருந்த எல்லா இயக்கத்தையும் எதிர்த்து ஜனநாயகப் போராட்டத்தை நடத்திய போதும், புலிகள் மட்டும் எமக்கு எதிராக மாறி எம்மை தாக்கிய போது – அவர்கள் எம் எதிரியாகவும் முன்னின்றனர். இதற்கு நீங்கள் தலைமை ஏற்ற போது - உங்கள் செயற்பாடுகள் மாணவர்களின் பொதுநோக்குக்கு முரணாக இருந்தது குறித்து விமர்சனம் இருந்த போதும், எங்கள் அனைவரதும் கூட்டு முடிவுகளுக்கு நீங்கள் தலைமை ஏற்றீர்கள். அன்று புலியின் அரசியலையும் - அதன் மக்கள் விரோத கூறுகளையும் எதிர்த்து போராடிய நாங்கள் - புலியின் மக்கள் விரோத அரசியலை ஒரு நாளும் அங்கீகரித்தது கிடையாது. ஆனால் நீங்கள்!?

அன்று இந்த போராட்டத்தில் ஈடுபட்டதற்காக - பலரை புலிகள் கொன்றனர். நீங்கள் இன்று அந்த தியாகத்தை – போராட்டத்தை – வலியை கொச்சைப்படுத்தும் வண்ணம், எந்தவிதமான சமூகப் பொறுப்பும் - மனித உணர்வும் இன்றி தலைகீழாக போடும் தோப்புக்கரணத்தின் நாற்றம் - தாங்க முடியவில்லை.

1986 இன் இறுதியில் உங்களை கைது செய்து அழிக்க - புலிகள் உங்கள் இருப்பிடத்தை முற்றுகையிட்டு சூறையாடியது நினைவிலுண்டா? எங்கள் போராட்டப் புகைப்படங்கள் - ஆவணங்கள் அனைத்தையும் அங்கு இருந்து எடுத்துச் சென்ற புலிகள், அதை கொண்டு பலரை ஓடுக்க காரணமான அந்த நிகழ்வு வரலாற்றுக்கு முரணானதா? உங்களையும், விமலேஸ்வரனையும் தம்மிடம் விசாரணைக்கு ஒப்படைக்குமாறு பல்கலைக்கழகம் ஊடாக மாணவர் சங்கமான எம்மிடம் கோரிய போது, நாங்கள் உங்களை ஒப்படைப்பதாயின் உங்கள் உயிருக்கு உத்தரவாதத்தைக் கோரினோம். அதற்கு புலிகள் மறுத்த போது, நாங்கள் உங்களை ஒப்படைக்க மறுத்தோம். நீங்கள் பிழைப்புக்காக அதை எல்லாம் மறந்து போகலாம், நாங்கள் மறக்க மாடடோம்.

இப்படி அன்று நாங்கள் முன்வைத்த ஜனநாயகக் கோரிக்கையை, இன்று வரை கைவிட்டது கிடையாது. புலியின் மக்கள் விரோத அரசியலை, நாங்கள் ஏற்றுக் கொண்டது கிடையாது, அதை சுமந்திரன் ஏற்றுக் கொள்ளவில்;லை என்று கூறி, நீங்கள் கொந்தளிப்பது வேடிக்கையாக இருக்கின்றது. "தந்தை" செல்வா முன்வைத்ததை கைவிட்டதாக சுமந்திரனை குற்றஞ்சாட்டும் நீங்கள், எதையெல்லாம் கைவிட்டு ஓடுக்கப்பட்ட மக்களின் முதுகில் சவாரி செய்கின்றீர்கள் என்பதை முதலில் சொல்லுங்கள்.

"தந்தை" செல்வா 1948 - 1949 மலையக மக்களின் மேலான இனவொடுக்குமுறைக்கு எதிராக எதை முன்வைத்து கட்சியை தொடங்கினாரோ அதைக் கூட கைவிட்டது, உங்கள் "தமிழ் தேசியத்துக்கு" தெரியாமல் போனது எப்படி? எதனால்? யாழ் வெள்ளாளிய சிந்தனையிலான  தேசியத்துக்கு ஓன்று என்றவுடன், துடித்துப் பதைக்க வைக்குதோ!?


நீங்கள் 1987 க்கு முன் ஈ.பி.ஆர்.எல்.எவ் இயக்கத்தில் இருந்த போது, இந்திய சார்பு மக்கள் விரோத அரசியலுடன் முரண்பட்ட செழியன் - தாஸ் அணியுடன், நீங்கள் பயணித்த வரலாற்று வழி வந்ததை நீங்கள் வசதியாக மறந்ததை - உங்கள் நினைவுக்கு மீண்டும் கொண்டு வருகின்றேன். அன்று ஈ.பி.ஆர்.எல்.எவ் ஒடுக்கப்பட்ட சாதி மக்களின் விடுதலையை முன்னிறுத்தி உருவான ஒரு இயக்கம். அப்படி உருவான இயக்கத் தலைமை இந்தியக் கைக்கூலி அரசியலை முன்னிறுத்தி - ஒடுக்கப்பட்ட மக்களின் அரசியலை மறுத்த போக்கை எதிர்த்து, ஓடுக்கப்பட்ட மக்களின் விடுதலையை முன்னிறுத்திய செழியனுடன் பயணித்த உங்கள் அன்றைய அரசியல் நிலையைக் கைவிட்டு, ஒடுக்கும் வெள்ளாளிய தமிழ் தேசியத்துக்காக வக்காளத்து வாங்குவது எதனால்?

அன்று புலிகள் உங்களைக் கொல்ல முயன்ற போது தப்பியோடிய நீங்கள், அந்தப் புலிக்கு வக்காளத்து வாங்குவதும், அந்த "தமிழ் தேசிய" வெள்ளாளியத்துக்கு வக்காளத்து வாங்குவதன் பின் இருப்பது, அப்பட்டமான உங்கள் பிழைப்புவாதமே.
வெள்ளாளிய சிந்தனையிலான "தமிழ்தேசியம்" என்பது ஒடுக்குகின்ற சாதியப் பண்பாட்டு அதிகாரங்களையும் - சாதிய சுரண்டல் வடிவங்களையும் கொண்டது. ஆணாதிக்க கலாச்சார பண்பாட்டு அடிப்படைகளைக் கொண்டு, பெண்ணை ஒடுக்கி சுரண்டுகின்றது. யாழ் அல்லாத பிரதேசங்கள் மேலான யாழ் மேலாதிக்கத்தை கொண்டு, ஒடுக்குவதன் மூலம் சுரண்டுகின்றது. இவை அனைத்தும் சுரண்டுகின்ற நவதாராளவாத வர்க்க அதிகாரத்தால் ஒருங்கிணைக்கப்பட்டது.

இந்த வகையில் ஒடுக்கப்பட்ட மக்களின் விடுதலையை அடிப்படையாகக் கொண்டதல்ல. தமிழ் மக்களை ஒடுக்குகின்ற அனைத்து வகையான ஓடுக்குமுறைக்கும் எதிராக செயற்படாத "தமிழ் தேசிய" அரசியல், ஒடுக்கப்பட்ட தமிழ் மக்களை ஒடுக்குகின்ற வெள்ளாளிய சிந்தனையிலான  தேசியம் தான். இது இந்தியாவில் பார்ப்பனிய சிந்தனைக்கு நிகரானது. இந்த வெள்ளாளிய சிந்தனையிலான தேசியம்  - கருவறுக்கப்பட வேண்டும்.

மாறாக இனவொடுக்குமுறைக்கு எதிராக, ஒடுக்கப்பட்ட மக்களின் ஒருங்கிணைந்த போராட்டம் மட்டுமே முன்னிறுத்தப்பட வேண்டும். இதை மறுக்கின்ற எல்லோரும் - ஒடுக்குகின்ற தேசியத்தை முன்னிறுத்துகின்ற அனைவரும், ஒடுக்கப்பட்ட மக்களின் விரோதிகள். ஒடுக்கப்பட்ட மக்களின் தேசியத்தை ஒடுக்குகின்ற, ஒடுக்குகின்றவனுக்கு காட்டிக் கொடுக்கும்; ஒடுக்கும் மக்களின் விரோதிகள்.

விக்கினேஸ்வரனும், கஜேந்திரகுமாரும் தங்கள் கொழும்பு வாழ்க்கையை விட்டு விலகி யாழ்ப்பாணத்துக்கு வந்து விட்டதால் "தமிழ் தேசியம்" அவர்களுடன் வாழ்கின்றதாம்! இப்படி யாழ்ப்பாணிய வெள்ளாளிய சிந்தனைக்கு முரணாக கொழும்பு வெள்ளாளியச் சிந்தனைக்குள் சுமந்திரன் வாழ்வது தான்,  தங்கள் யாழ்ப்பாணிய "தமிழ் தேசியத்தை" நிராகரிப்பதற்கான அடிப்படையாம், இது தான் ஜோதிலிங்கத்தின் "தமிழ் தேசிய" ஆய்வு முடிவு. யாழ்ப்பாணிய வெள்ளாளியனாக சிந்திப்பதற்கும், கொழும்பு வெள்ளாளியனாக சிந்திப்பதற்கும் இடையில் உள்ள வேறுபாட்டை முன்னிறுத்தி அணுகுவது தான், ஒடுக்கப்பட்ட "தமிழ் தேசத்தின்" விடுதலைக்கான எதிர்காலம் தங்கி இருக்கின்றது என்பதை சொல்லுகின்ற பெயர் தான் ஆய்வும், "ஆய்வாளர்" பட்டங்களும்.

"ஆயுதப் போராட்டம் திணிக்கப்பட்டது" என்று கூறுவதே ஓருதலைப்பட்சமானதும், வரலாற்று திரிபுமாகும். "தமிழ் தேசியத்தின்" பெயரில் செய்த தனிநபர் பயங்கரவாதம், அரச பயங்கரவாதமாக பரிணமித்து. ஒடுக்கப்பட்ட மக்கள் தம் மீதான ஒடுக்குமுறைகளுக்கு எதிரான மக்கள் போராட்டத்தை நடத்தி, அதில் ஏற்பட்ட பரிணாம வளர்ச்சியில் மக்கள் யாரும் ஆயுதமேந்தவில்லை. மாறாக ஒடுக்கப்பட்ட சமூகம் மீது அரசு மற்றும் தனிநபர் இனவாத பயங்கரவாதம் மூலம், வன்முறை சமூகம் மீது திணிக்கப்பட்டது. மக்களின் வாழ்விலிருந்து அன்னியமான இனவாத லும்பன்களே, மக்களின் பெயரில் ஆயுத வன்முறையில் ஈடுபட்டனர். இதைத்தான் ஆயுதப் போராட்டம் என்றனர். இது ஒடுக்கப்பட்ட மக்களின் போராட்டமல்ல. ஒடுக்கப்பட்டவர்களின் குழந்தைகளை ஒடுக்குகின்றவனின் கூலிப்படையாக மாற்றி, வெள்ளாளிய சிந்தனையிலான "தமிழ் தேசிய" ஆயுதப் போராட்டத்தை நடத்தினர்.

இதற்கும் ஓடுக்கப்பட்ட தேசியத்துக்கும், ஓடுக்கப்பட்ட மக்களுக்கும் எந்த சம்மந்தமுமில்லை. இன்று தொடர்ந்து இனவொடுக்குமுறைக்கு உள்ளாகும் தேசம் - தேசிய இனங்கள், யாழ் வெள்ளாளிய சிந்தனையிலான "தமிழ்தேசிய" வரலாற்று வழியிலும் சரி, இன்று அது முன்வைக்கும் வடிவங்கள் மூலம், தங்கள் மீதான ஒடுக்குமுறைக்கு எதிராக போராடவோ – மீளவோ முடியாது. இந்த குண்டுச் சட்டிக்கு வெளியில்; சமூகம் புதிதாக கற்றுக்கொள்வதில் இருந்துதான், தமக்கான சரியான பாதையை கண்டறிய முடியும்.


Most Read

முற்றவெளியில் பிணத்தை எரிக்க, கொள்ளிக்கட்டை கொடுத்த வெள்ளாளியப் பண்பாடு

யாழ். நாகவிகாரை விகாராதிபதியின் உடலை யாழ் முற்றவெளியில் எரிக்க வேண்டும் என்று அடம்பிடிக்க, அதை எதிர்க்கும் அளவுக்கு இனவாத - இந்துத்துவ சாதிய அரசியல் நடந்தேறியிருக்கின்றது. மக்களை ஒடுக்குவதையே தங்கள் அரசியலாகக் கொண்ட ஒடுக்கும் தரப்புகள், ஒடுக்கப்பட்ட தமிழ்மக்களின் மேலான தங்கள் அதிகாரத்தை அரசியல் மயமாக்கும் அரசியலாக, தகன நிகழ்வை மாற்றியிருக்கின்றனர்.

பிரமுகர்கள் மரணமாகும் போது பொதுவெளிகளில் தகனம் செய்யும் புத்த மதத்தின் மரபை, ஒடுக்கப்பட்ட தேசிய இனத்தின் முதுகில் போட்டு எரிப்பதற்;கு "நல்லாட்சி" அரசு கங்கணம் கட்டி நின்று, அதை தங்கள் அதிகாரங்கள் மூலம்  அரங்கேற்றினர். இந்த இனவாத அரசியல் பின்னணியில் "நல்லாட்சி" அரசின் தூண்களான கூட்டமைப்பின் அனுசரணையுடனேயே, இந்த முரண்பாடு ஒடுக்கப்பட்ட மக்களுக்கு எதிரான அரசியலாக்கப்பட்டது.

வேள்வியை தடைசெய்யக் கோரும் வெள்ளாளிய இந்துத்துவம்

யாழ் குடாநாட்டில் மிருகபலி மூலம் நடைபெறும் வேள்வியானது பாரம்பரிய வரலாறு கொண்டது மட்டுமின்றி ஆதி மனித வழிபாட்டு முறையின் தொடர்ச்சியாக இருக்கின்றது. இது காலகாலமாக இந்து வெள்ளாள சாதிய வழிபாட்டு முறைக்கு முரணாகவும் இருந்து வருகின்றது. ஆதிமனித வழிவந்த ஒடுக்கப்பட்ட சாதிகளால் தொடர்ந்து முன்னெடுக்கப்பட்ட மிருக பலி மூலமான வழிபாட்டு முறையானது, ஒடுக்கும் சாதியைச் சேர்ந்த மக்களையும் தனக்குள் உள்வாக்கிக் கொண்டதுடன் வேள்வியான உணவுக் கொண்டாட்டமாக மாறி இருக்கின்றது. இறைச்சி விரும்பி உண்ணும் உணவாக மாறி இந்து-சாதி பண்பாட்டு கூறுகளை அழிக்கின்றது. இதானல் இதை சாதிய இந்துத்துவவாதிகள் தடை செய்யக் கோருகின்றனர்.

மிருக பலி !?

இலங்கையில் மாடு வெட்டுவதை தடை செய்வது பற்றி ஜனாதிபதி கூறியதாக செய்திகள் வெளிவந்திருக்கின்றது. உழைக்கும் மக்கள் மாட்டு இறைச்சியை தங்கள் உணவாக உண்பதை சமூக பண்பாடாகக் கொண்டவர்கள். இதற்கு எதிராக "மாடு புனிதமானது" என்றும் மாட்டு இறைச்சியை உண்ணக் கூடாது என்ற பிரச்சாரத்தை வெள்ளாள சாதிய இந்துத்துவ மதவாத சக்திகள் முன்னெடுத்து வந்ததுடன், மாட்டு இறைச்சியை ஓடுக்கப்பட்ட சாதிகளின் "இழி' உணவாக காட்டி வந்தனர். அதேநேரம் பௌத்த மத அடிப்படைவாதிகள் கூட இதே இந்துத்துவ சாதிய அடிப்படையில் முன்வைத்து வந்ததுடன் முஸ்லீம் மக்களின் உணவுப் பண்பாட்டுக்கு எதிரான பிரச்சாரமாகவும் இதை முன்னெடுத்து வருகின்றனர்.

உலகை குலுக்கிய வர்க்கப் புரட்சியின் 100 ஆண்டு

மார்க்சியம் என்பது கற்பனையல்ல. மானிட வாழ்வியலைப் பற்றிய தத்துவமே மார்க்சியம். மார்க்சிய தத்துவத்தின் நடைமுறையே, 1917 உலகைக் குலுக்கிய வர்க்கப் புரட்சியாகும்.

இந்தப் புரட்சி தனியுடமைக்கு எதிரான வர்க்கப் புரட்சி என்பதாலே, எல்லாப் புரட்சிகளிலும் இருந்து வேறுபட்டு நிற்கின்றது. இதனாலேயே 1917 நடந்த புரட்சி, உலக வர்க்கப் புரட்சிக்கான ஆயுதமாகி நிற்கின்றது. எல்லாவிதமான ஒடுக்குமுறைகளுக்;கும் எதிரான உண்மையான நேர்மையான தத்துவமாக மார்க்சியம் இருப்பது போல், 1917 புரட்சியே இன்றைய புரட்சிகளுக்கு எல்லாம் நடைமுறையாகவும் இருக்கின்றது. இது தான் இன்றைய எதார்த்தம்.

மக்களை அனாதையாக்கி பிழைக்கும் தமிழ் அரசியல்

சிங்கள - தமிழ் இனவாத யுத்தமானது, தமிழ்மக்களை அடக்கியொடுக்கி மனித அவலங்களையே விதைத்துவிட்டுச் சென்றுள்ளது. இவை இன்று வாழ்வதற்கான போராட்டங்களாக மாறி இருக்கின்றது. தங்கள் சொந்த நிலத்தை விடுவிக்கக் கோரும் போராட்டங்கள்;, காணாமல் ஆக்கப்பட்டவர்கள் எங்கே என்று கேட்டு நடக்கும் போராட்டங்கள், அரசியற்கைதிகளை விடுவிக்கக் கோரும் போராட்டங்களானது,.. இன்று 100 நாட்களையும் கடந்த தொடர் போராட்டமாக பண்புமாற்றம் பெற்று வருகின்றது.

இதை விட அன்றாட வாழ்க்கை சார்ந்து, போராட்டங்கள் வெடித்துக் கிளம்புகின்றது.  உதாரணமாக பட்டதாரிகள் வேலை கோரும் போராட்டங்கள், தொடர் போராட்டமாக மாறி நிற்கின்றது

சுயவிமர்சனம் மூலம் சர்வதேசியத்தையும் - தேசியத்தையும் விளங்கிக் கொள்ளுதல்

சுயவிமர்சனம் என்பதை வெறும் வாய்ப்பாடமாக ஒப்புவிக்காமல்,  தவறான அரசியல் வழிமுறையைகளைக் கைவிட்டு உழைக்கும் வர்க்க அரசியல் நடைமுறைக்கு வருதலே சரியான சுயவிமர்சனம் செய்வதாகும். எல்லாம் மாறிக் கொண்டும், வளர்ந்து கொண்டும் இருக்கும் நிலையில் -இயற்கையில், எமது கருத்துகளும் நடைமுறைகளும் மாற்றத்துக்கு உள்ளாகும் என்பது விதிவிலக்கல்ல. நாம் கற்றுக்கொண்டும், நம்மை நாமே மாற்றத்துக்கு உட்படுத்திக் கொண்டும்   இருக்க வேண்டும். சமூகம் குறித்து சிந்திக்கின்றவர்கள் பழைய கருத்தில் தொங்கிக் கொண்டும் அதை ஒப்புவித்துக் கொண்டும் வாழ்வதால், சமுதாயத்துக்கு எந்த நன்மையும் கிடைக்கப்போவதில்லை. மாறாக, சமூக மாற்றத்துக்கு வழிவகுக்காமல், பின்னிழுத்து வீழ்த்துவதாகும். இந்த வகையில் தமிழ் அரசியற்பரப்பில் 80 வருட கால, தேசியம் -  சர்வதேசியம் குறித்து ஆராயப்படல்  வேண்டும்.

தனியார் கல்விமுறையை ஆதரிக்கும் அறியாமையையும் - தர்க்கங்களையும் குறித்து

பாடசாலைக்கான "உதவிகள்" குறித்து பாரிஸ் மகாஜன பழைய மாணவர் சங்கம் நடத்திய கருத்தரங்கு மற்றும் வானொலி விவாதமானது, தனியார் கல்விமுறை குறித்த புரிதலுக்கு வழிகாட்டி இருக்கின்றது. பழைய மாணவ சங்கங்களின் உதவிகள், தனியார் கல்விமுறைக்கு உதவக் கூடாது என்ற கருத்து, இந்த விவாதத்தின் கருப் பொருளாகியது. "தமிழ் தேசியம்" குறித்து சுய கற்பனையில் வாழ்கின்ற தமிழ் சமூகம், தன்னைச் சுற்றிய கல்விமுறையில் நடந்து வரும் தனியார்மயமாக்கத்தை கண்டுகொள்ள முடிவதில்லை அல்லது கண்டுகொள்ள விரும்புவதில்லை. மாறாக தனியார் கல்விமுறை குறித்த புரிதலின்றி ஊக்குவிக்கின்றதும், ஆதரிக்கின்றதுமான போக்குகளும், இதற்கு அப்பால் தர்க்;கரீதியாக தனியார் கல்வியை நியாயப்படுத்துகின்ற கண்ணோட்டமுமே, பொதுவான சிந்தனைமுறையாக இருக்கின்றது.

பழைய மாணவர் சங்கங்களின் கோடிக்கணக்கான பணம், சமச்சீரான பாடசாலைகளுக்கு இடையிலான இடைவெளியை அதிகப்படுத்தி வருகின்றது. இதே போன்று மாணவர்களுக்கு இடையில் கல்விரீதியான ஏற்றத் தாழ்வை அதிகமாக்கவுமே பயன்படுத்தப்படுகின்றது. அனைவருக்கும் சம வாய்ப்பும், சம கல்வியும் என்ற அடிப்படையிலான பழைய மாணவர்களின் சமுதாய பொதுக் கொள்கையை மெதுவாக அரித்து இல்லாதாக்குகின்றது.

 

முஸ்லிம் தேசிய இனம் வளர்வதை இஸ்லாம் தடுக்கின்றது

தனிமனித வழிபாட்டு உரிமையைக் கடந்து மதம் செயற்படும் போது, மக்களை ஒடுக்கும் கருவியாக மதம் மாறி விடுகின்றது. இது எல்லா மதத்திற்கும் பொருந்தும். நிலவுகின்ற சமூக அமைப்பு என்பது, மனிதனை மனிதன் சுரண்டுகின்ற, மனிதனை மனிதன் பிளவுபடுத்தி ஒடுக்குகின்றதாக இருக்கின்றது. இந்த ஒடுக்குமுறையை நியாயப்படுத்துகின்ற சித்தாந்தமாக மதக் கோட்பாடுகள் செயற்படுகின்றது. அதேநேரம் மக்களை மதங்களின் பெயரில் பிளவுபடுத்தி, வன்முறையைத் தூண்டுகின்றது. இதன் மூலம் தன் மத மக்களை சுரண்டும் வர்க்கத்துக்கு உதவுகின்றது.

இந்த வகையில் இலங்கையில் பௌத்தம், இந்துமதம், இஸ்லாம், கிறிஸ்துவம்.. வரையான அனைத்து மதங்களும், சமூகத்தைக் கூறு போட்டு ஆளும் வர்க்கத்துக்கு சேவை செய்யும் பிரிவினைவாதக்  கருவியாகவும், மக்களை ஒடுக்கும் சமூகக் கூறாகவும் இருக்கின்றது.

MOST READ